19.Mar.2011 www.antiaotero.com

A partir de xa podes seguir as andanzas de agardandoagodot neste novo dominio

www.antiaotero.com

agárdote!!!!!

Comentarios desactivados en www.antiaotero.com

01.Feb.2011 estamos tol@s

hai uns días flipei…flipei tanto que creo que ainda vexo en cores

o certo é que bucenado pola rede ( link, link, link) atopei a páxina dunha persoa que me queda preto. unha páxina creada a partir dunha aplicación do twitter chamada formspring.

para entendernos trátase dun consultorio, dunha entrevista persoal onde xente que coñeces e outra anónima fanche preguntas ás que podes ou non responder, pero que @s protagonistas sempre acaban respondendo.

a esta persoa en particular, (e vendo os formspring doutra xente a dinámica é sempre a mesma), as preguntas xiraban ao redor de: – cres que és popular na tua cidade?…//cres que te coñece moita xente?…//porque és tan guapa?…//fas algo para estar tan delgada?…//onte vinte pola rúa e estás moi fraca…estás ben?…//follácheste a?….//cales son os teus plans?…//non pegas nada en galicia, cres que deberáis estar nunha gran cidade?…//follaches con?…//fariaste unhas fotos con?…//porque és tan popular?…

popular??????
popular??????

alguén me pode explicar o que é ser popular???

definitivamente Sensación de Vivir fixo un dano tremendo…

pero máis aló disto..chámame a atención como persoas universitarias ( xa sei que isto non é seguro de nada pero sería o esperable…), máis ou menos formadas e con certos referentes poden verse empurradas polo furacan das redes sociais a mostrar as súas vidas con tanta facilidade e prestándose a ese xogo.

eu sen ter twitter, accedin a estas páxinas…todo o mundo pode facelo…

porque o certo é que @s protagonistas non responden a preguntas porque sexan alguén que teña algo que contar…quero dicir…non son creadores/as, artistas, científic@os, folósof@s, politic@s, premios nobel, escritores/as, investigadores/as, xente que traballe pola mellora do mundo….ou que desenvolvan calqueira actividade que teña unha certa orixinalidade, graza ou entusiasmo…non….unicamente son persoas que desexan ser famosas, populares, coñecidas, centros do foco ofrecendo a súa vida e xerando morbo con eles mesm@s…

definitivamente estamos enfermos de veleidade…son tantas as ganas que temos de ser “alguén” que estamos dispostos a facer o que sexa con tal de sentirnos aceptados…

agora lembro unha frase da miña avoa rosalía que dicía: – non hai que gastar pólvora fina en pardais…
e quizais esa frase deberíamola repetir como un mantra…antes de pasar a liña

existir a conta do íntimo…que complexidade…que cansanzo…que barbaridade…

05.Xan.2011 amazona


aqui vos deixo algunhas instantáneas do que foi a rodaxe de AMAZONA.

guión e direccion: antía otero
dirección de foto: berto palacios
son: roi gil
edición: álvaro liste
produción: Fílmika Galaika

01.Xan.2011 pasar páxina

comezar o ano
pasando páxinas

imaxe.- marilyn lendo joyce

20.Dec.2010 páxinas

miña nai di que leu as mellores novelas da súa vida
dentro do coche
agardando por min
ata que medrei
cada tarde
á saida do colexo

das clases de piano
de baile
de pandeireta
de inglés
de informática

,,,,

cantas horas
cantas páxinas
cantos quilómetros
a espera
quizais
a que eu a vira

13.Dec.2010 ENCONTROS MIL PEDRAS

Este venres 19, ás 21:00 participarei no
ENCONTRO MIL PEDRAS: poesía, música e artes plásticas
na Coruña, rúa brasil, nº3, baixo, A Coruña

Teño moitas ganas de participar neste encontro e atoparme ali compartindo escenario con xente á que estimo e quero moito. Será ben interesante, seguro.

Comentarios desactivados en ENCONTROS MIL PEDRAS

07.Dec.2010 crónica de aniversario

o venres 3, meu avó fixo 90 anos.

sempre fala do cabo prioriño en ferrol. do fermoso que era cando fixo a mili. de como cambiaron as cousas. dos caldeiros de percebes que lle botaban aos porcos. das viaxes ata alá. das cartas e as fotos a rosalía.

ali, meu avó senén era corneta. di que gustaba de selo.

o día 3 a familia camiñou entre a neve para espertalo por sorpresa coa alborada de veiga.

nevaba forte, as vacas botaban bafo e no aire soaba unha trompeta.

22.Nov.2010 tour


… e cando non teña nada máis que rascar
penso facelo

saudarvos dende o cristal

e ti comigo…
entre as latas de conserva
as chanclas da ducha e a dentadura postiza

19.Nov.2010 vai de pozas

1,2,3….saltar as pozas como martha graham

Comentarios desactivados en vai de pozas

09.Nov.2010 sorpresa

…e de cando en vez
a vida

esa sorpresa…

delicioso, suxestivo e poético o traballo de Sandrine Estrade Boulet

Comentarios desactivados en sorpresa

Essentials

Meta

Pages

Categories

  • música

  • Histórico